【哮喘】咳到HEHE聲可以點做?帶你了解哮喘藥物類別! 22/11/2022 by Astella 醫務中心 哮喘身體檢查 哮喘藥物可以分為「即時舒緩藥物」及「長期預防藥物」,醫生會根據病人嘅病情調校藥物組合及劑量。 第一種「即時舒緩藥物」乃喺救急藥物,喺哮喘發作時候用,可以迅速擴張支氣管、舒緩氣喘嘅情況,令呼吸回復暢順。呢一種藥物有吸入式,亦有霧化方式 (俗稱聞氣)。 「即時舒緩藥物」有即時功效但冇抗炎作用,患者唔應該過份依賴呢種藥物,而唔使用預防藥物。如果你每星期因為哮喘發作而用短效氣管舒張劑嘅次數有3次或以上,可能代表病情已經不受控制,應該要盡快約見醫生! 第二種「長期預防藥物」通常包含低劑量類固醇 用於控制氣管腫脹及發炎,令氣管唔會過於敏感,減低長期發炎嘅機會及減低哮喘病嚴重發作嘅風險。如果患者嘅病情嚴重或不受控制,醫生就會考慮處方長期預防藥物。 「長期預防藥物」要長期用先會有效(每日早晚兩次),即使當日冇哮喘發作,都一定要用,唔好諗住冇事就唔用!如果你平日服用長期預防藥物,並間中使用短效氣管擴張劑,病情仍不受控制,你就要盡快約見醫生啦~ (852) 2155 5038 致電診所查詢/預約 (852) 6278 8092 WhatsAPP 熱線 1507-8 室 尖沙咀恒生尖沙咀大廈 Previous Post 【哮喘】近排轉季咳多咗?仲要咳到HEHE聲…究竟喺咩事? Next Post 【女性體檢】唔想大頸泡、金魚眼? 身為女性你一定要驗!